HOLIDAY MOOD太早來找我吧!? 害得我不能專心工作﹐總不能一直這樣到新年吧~~
目前分類：Uncategorized (37)
- Feb 05 Fri 2010 14:32
Holiday mood~
- Feb 03 Wed 2010 18:51
FACEBOOK, 開心網, TWITTER, 微博......
今日發現左一個由國內新浪開發既SNS "微博", 佢個名取自於 "Micro-blogging", 由一開始facebook, orkut (玩facebook之前我就係玩orkut了, 最終因為所有朋友都玩facebook既關係......無再玩orkut了), 呢個微浪有小小類似twitter, 而share既野比twitter, plurk還要多, (一向覺得plurk已經夠好用了！) 現代人每一日花好多時間上網, 呢類既SNS都愈來愈多 (人類愈來愈自閉)﹐除左FACEBOOK之外﹐國外有好多好出名既SNS, (MYSPACE, ORKUT, FRIENDSTER, JAIKU TWINGR, WALLOP, YAHOO MERE, BEBO......除左MYSPACE同ORKUT, 我其他都無用過呀, BEBO似乎幾吸引~~); 台灣就一定係PLURK, 從一位台灣朋友所知, 原來一個叫FUNP既網站都有好多人用 (http://funp.com); 國內近年開發左好多SNS, 開心網非常流行, 仲有其他 "校內網", "人人網"......不過個人認為FACEBOOK係比較全面, 最重要係, 因為FACEBOOK太流行, 朋友多數都係用FACEBOOK, 所以FACEBOOK都係暫時不能被取代既社交網站~~ 而且我用FACEBOOK最主要都係......斗地主！:P
- Feb 03 Wed 2010 16:08
超眼訓~~
返工眼訓唔緊要, 最緊要係......又眼訓又唔忙, 點捱呀?? :(
- Feb 03 Wed 2010 11:38
3-2-10
今日何以嘈底左? 放工飲返杯廿四味先~~ :p
- Jan 31 Sun 2010 10:13
咁快就過左一個月
咁快又過左2010年既第一個月, 呢個月似乎無咩好事發生﹐土瓜灣塌樓; 警察俾狗咬, 俾人打; 立法會議員不停搞事; 索k司機瘋狂架駛及燒車; 校園放k交數疑落格被打死; 四川五級地震......
- Jan 27 Wed 2010 11:32
27-1-2010
今日同同事傾開新同事既問題, 講講下, 我同事話覺得我好堅強......但其實我背景係好可憐, 所以佢有d同情我......, 聽倒呢段說話, 其實我個心有小小唔舒服, 因為......"同情"呢個字眼提醒左我自己......我有好多唔開心既事發生過......唔係真係唔記得~
- Jan 26 Tue 2010 09:38
癲左~~
今日幫同事影哂所有labels, 影到癲左~~~聽日diedline......仲未整好......worrying~~
- Jan 24 Sun 2010 10:26
發了個好夢~~
星期六, 發左個好夢, 似乎在警告我 "沒有耕耘, 是沒有收穫的"......ok~ 收倒喇~
- Jan 21 Thu 2010 11:17
超炆~~
D野一樣壞完又一樣, 夾埋架? 痴X線~
- Jan 20 Wed 2010 10:20
仲有咩早餐可以食~~~
我對食一d所謂都無, 所以去美心買肉卷同罐裝咖啡已經係每一朝既指定動作﹐但今朝食呢個肉卷既時候, 發覺有d想嘔, 之前買三文魚包, 又係食左幾個月之後, 發覺食到想嘔~~ 仲有咩早餐可以選擇！最怕諗食咩~~
- Jan 17 Sun 2010 18:58
平凡的一天~
平凡的星期日, 約左妹妹行街, 食左個tea, 夾左d糖留返夜晚上網果時食, 亞能話我係乾物女......貼切嗎? 我只係成日上網咋ma, 我在學習呀！一時話我係港女, 一時話我乾物女, 你估我精神分裂咩~~ :p
- Jan 16 Sat 2010 13:59
Photo Gallery
- Jan 15 Fri 2010 23:07
超無奈~
唔係唔想同你傾, 唔係唔想聽你講野﹐但係你喊到咁我完全聽唔倒你講咩~ 再講﹐就算你講得清楚﹐我都唔知點回應你！因為我完全唔明白, 一件咁小既事值唔值得你去咁執著, 當然, 每個人既尺度唔同, 我都好執著, 但係當我發現自己既執著開始對自己有負面影響既時候, 我會要自己停﹐我知講就容易, 做係好難, 但其實適當地去迫下自己做一d應該做既事, 係咪會對你好d呢? 每個人做人既方式唔同﹐我果套唔一定適合你, 但係以你而家既處境﹐嘗試下用第二個角度去處理你而家既事有咩問題呢? 有d野你處理唔倒咪尤得你身邊既人去處理囉, 無能力面對既, 一係你就積極面對, 一係你咪唔好面對囉。曾經我唔知點面對你既時候, 我有積極面對, 當時我覺得面對唔倒......所以我有一段長時間無搵你﹐外人睇可能呢d就係叫逃避﹐但係我只係積極地令自己好過, 因為果段時間我忙著令自己開心, 我影相, 返學, 做自己喜愛做既事。你同我講你試過﹐但你只係唔搵你唔想搵既人﹐但背後就日日飲酒, 胡思亂想﹐結果件事愈諗愈壞, 諗到你成日想自殺。當我說服你, 你唔岩聽會cut我線﹐因為你打俾我係要得到認同, 但我相信無人會認同你去自殺, 所以禽晚我根本一早聽倒電話響, 但因為心裡有數發生咩事而唔敢聽, 亦唔想聽！就算我同你關係幾疏都好, 我估不論係邊個都好, 當聽倒自己阿媽喺電話敢樣痛哭既話, 都唔會覺得舒服卦!?
- Jan 15 Fri 2010 14:51
世風日下~
- Jan 15 Fri 2010 14:46
好飽呀
呢2日公司都請飲茶﹐飽到暈左呀~
- Jan 13 Wed 2010 10:59
矛盾的網站~
好鐘意國內既教學網﹐咩topic都有, 絕對滿足倒人既好奇心﹐重點係......呢d網都係免費的！不過岩岩上左一個叫 "无忧" 既網, 我未入到去睇下有咩內容, 已經出左2個廣告~ 2個都係online game既廣告......你叫人玩online game定睇你個教學網好呢?
- Jan 10 Sun 2010 09:39
敵不過引誘~
我心目中一個成功既人未必係好有成就, 未必係好富有﹐反而係一d未必好叻, 但做事好有恒心, 堅毅不屈既人！我從來唔係呢種人, 但我好渴望可以成為呢種人！以前既人比而家既人踏實得多﹐以前互聯網未咁發達﹐無咁多娛樂, 所以果個年代既人定下既目標都容易專心去達到！相反﹐而家年代既人, 太沉迷某些娛樂﹐縱使對自己有某d要求﹐希望自己達到某一個目標﹐都好容易放棄！當然以我所知, 做得到既人係大有人在的﹐不過普遍都好容易放棄﹐而我當然就係放棄果群人既其中一份子！我上個星期應承左自己要做既事﹐到今日我都無做過﹐反而不停走左去玩！我發現我身邊太多引誘﹐太多玩意﹐令自己集中唔倒！又或者應該話, 我太易受其他事物分散！觀察過身邊做事比較有恆心既朋友們, 佢地可能只有1-2個嗜好(相比我, 我是比較奢侈的), 當佢地要實踐某個目標既時候, 佢地會停哂手上既活動﹐集中地實踐佢地定下既目標！佢地通常都無facebook的, 就算有, 都好少上﹐而我為左方便, 裝左個軟件一次過開左msn, facebook, google既contact list~, 意思係, 我個facebook係長開的......的確有d慚愧~
- Jan 08 Fri 2010 01:26
連個天都唔鐘意我~~
我部iphone壞左呀, 我又無跌過, 都唔知點解個mon裡面會爆左~~ 但真係用開iphone有感情, 最後又係買返部iphone~ haha~ 好討厭呀, 呢幾年, 我起碼換左十幾部電話la~~ 唔係唔見就俾人偷左, 一係就跌爛, 痴線架~~~ 我真係唔想再嘥錢喺部電話倒la, 本來想買鏡頭, 而家真係唔駛諗la, .......好想喊呀 :(
