好鐘意國內既教學網﹐咩topic都有, 絕對滿足倒人既好奇心﹐重點係......呢d網都係免費的！不過岩岩上左一個叫 "无忧" 既網, 我未入到去睇下有咩內容, 已經出左2個廣告~ 2個都係online game既廣告......你叫人玩online game定睇你個教學網好呢?
- Jan 13 Wed 2010 10:59
矛盾的網站~
- Jan 10 Sun 2010 09:39
敵不過引誘~
我心目中一個成功既人未必係好有成就, 未必係好富有﹐反而係一d未必好叻, 但做事好有恒心, 堅毅不屈既人！我從來唔係呢種人, 但我好渴望可以成為呢種人！以前既人比而家既人踏實得多﹐以前互聯網未咁發達﹐無咁多娛樂, 所以果個年代既人定下既目標都容易專心去達到！相反﹐而家年代既人, 太沉迷某些娛樂﹐縱使對自己有某d要求﹐希望自己達到某一個目標﹐都好容易放棄！當然以我所知, 做得到既人係大有人在的﹐不過普遍都好容易放棄﹐而我當然就係放棄果群人既其中一份子！我上個星期應承左自己要做既事﹐到今日我都無做過﹐反而不停走左去玩！我發現我身邊太多引誘﹐太多玩意﹐令自己集中唔倒！又或者應該話, 我太易受其他事物分散！觀察過身邊做事比較有恆心既朋友們, 佢地可能只有1-2個嗜好(相比我, 我是比較奢侈的), 當佢地要實踐某個目標既時候, 佢地會停哂手上既活動﹐集中地實踐佢地定下既目標！佢地通常都無facebook的, 就算有, 都好少上﹐而我為左方便, 裝左個軟件一次過開左msn, facebook, google既contact list~, 意思係, 我個facebook係長開的......的確有d慚愧~
- Jan 08 Fri 2010 01:26
連個天都唔鐘意我~~
我部iphone壞左呀, 我又無跌過, 都唔知點解個mon裡面會爆左~~ 但真係用開iphone有感情, 最後又係買返部iphone~ haha~ 好討厭呀, 呢幾年, 我起碼換左十幾部電話la~~ 唔係唔見就俾人偷左, 一係就跌爛, 痴線架~~~ 我真係唔想再嘥錢喺部電話倒la, 本來想買鏡頭, 而家真係唔駛諗la, .......好想喊呀 :(
- Nov 28 Sat 2009 10:58
28-11
我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手我要分手
- Aug 14 Fri 2009 13:18
- 好事多為~
有時好心幫人, 以為係幫人解決左一d問題, 但係原來搞到一生蟻囉......我真係好事多為la！
- Jul 25 Sat 2009 00:02
- 不一樣的童年~
今天同某人見面, 回顧返我們的童年生活。記得細過我就係一個非一般既小朋友, 住係一個好神秘既家庭, 無同學有我電話, 無同學搵倒我, 我都無咩特別好朋友既同學仔, 課外活動係屋企人指定既, 學校活動係要向屋企申請好耐先可以參與, 當然申請唔倒既時候就向同學扮自己唔鐘意參加, haha, 不過十成都俾人揭穿！喺屋企人心目中我係一個 "大話精", 因為我好渴望可以好似d同學敢可以有自己既朋友, 同朋友有相眾傾計既時間, 所以我成日呃佢地, 其實就留係學校既美術室陪我中學階段最好最好既朋友WINNIE做功課, 呢位朋友係我中學時期好重要好重要既朋友, 我估無左佢, 我連返學都唔想再返, 因為果時既我, 同屋企關係唔好, 同同班同學基本係無咩聯繫, 我嘗試過投入佢地既話題, 但係對於連旺角都唔識出既我......其實唔太明白出面既世界係點, 咩話題都投入唔倒~~ 而好好彩因為某個誤會我識倒winnie, 我太喜歡呢個朋友, 由中三至中五我差唔多每個lunch 每日放學都會去art room陪winnie 做功課, 因為佢好勤力既關係, 基本佢日日都會係度, 唔需要任何既約定, 我去到art room, 佢都會喺度~~ 當時, 我同同學好少傾計, 同屋企更加難溝通, 我唯一願意分享我自己既就係呢位好朋友！我又記得我學褶花送俾佢, 佢係我家人一份子亦係我最好既朋友, 我當時仲講大話話我係送俾我鐘意既男仔, 因為我返屋企唔可以褶ma, 好多時間我會係art room褶, 記得果時好好笑, 我同班同學有幫手褶囉~~ 喺佢身上, 我係學識左一樣野, 呢樣野對我日後有好大影響, 到而家咁大個都仲係好駛好用, 令我咁多年無放棄自己~~有時會諗如果唔係識倒呢個朋友, 我當時應該會係一個好壞既小朋友, 或者係一個好自閉既小朋友, 人總係要有傾訴既對象ma, 當時面對屋企咁緊張既關係, 我連自殺都想過? 每日都過得好消極, 幸運既我遇到佢~~ 當時佢發生任何事就等於我自己既事, 佢去邊我就 "痴" 住佢去到邊, 我喊既時候就會搵佢, 佢唔開心既時候就會搵我, 我離家出走, 佢會等天光即刻出黎陪我, 我去佢屋企陪佢等成績表, 一齊面對左細個發生既好多事！睇返而家, 我身邊既朋友會覺得我對人咁冷淡, 係我變左, 定係小時候兩小無猜既朋友已經再好難遇到? 又或者係人一日一日長大, 太多現實既煩惱, 令人要面對既事太多, 對朋友既睇法唔同左? 我幸運地喺我返學時最難捱既時候, 遇倒一位 "益友" 陪我成長, 我希望我妹都可以面對家庭有咩唔如意既時候, 都可以有一個我當年咁乖, 咁好既朋友陪佢一齊成長, 唔好行錯路, 唔好選擇錯~~
- Feb 03 Tue 2009 23:47
- 下~ 咁都得???
係因為你當我係朋友所以成日叫我叫醒你起身﹐定係因為你見我無再主動搵你, 所以叫我叫你起身呢﹐如果我打俾你既鈴聲可以令你醒倒, 點解你又唔用呢個鈴聲做你既鐘既響鈴呢！你d莫名其妙既行為真係已經令我覺得好討厭喇！唉~~！點解我次次嬲親你你都唔知架, 唉~~~激死！
- Jan 10 Sat 2009 12:29
- 唔該唔好再飲酒講呢d畸呢野, 咩面都無哂！
唉, 今日我終於將一個不能說的秘密講左出黎！因為飲多左酒, 竟然send左篇文俾亞風﹐救命！訓醒又後悔﹐真係以後唔好俾自己飲完酒掂部電話﹐好煩！其實都無咩所謂﹐問題係最精境果句, 我點可能咁樣講出黎, 真係痴線！真係俾自己搞到咩面都無哂！講左可能都係好事﹐但係問題係, 可唔可以唔好加果句呢????
- Jan 04 Sun 2009 14:50
- 講真定講笑架
有時真係唔知阿風講真定講笑﹐以為佢係講真, 但見佢又好似唔係認真喎！不過呢今日我聽倒佢同JAY講, 我就知佢可能係講真, 可能佢想唔同輝仔住﹐所以想我同佢一齊出黎租屋, 我自己都唔知, 我怕所有野變得好亂, 我覺得好似所有野keep住而家咁樣就最好, 但好坦白, 我係好想可以同阿風近d！哈, 好矛盾！
